வா அம்மு தயவு செய்து நீ தயவு பார்க்காதே......
இயேசுவை துன்புறுத்தியதை விட கொடுரமாய் என்னை தாக்கு
ஒரு சொட்டு ரத்தம் மிச்சம் இல்லாமல் உறிஞ்சி எடு
மேகத்தில் ஓவியம் வரைய ஆசைபடுவனின்
மேனியை குத்தி குதறு
என்னை மயக்கமடைய விடாதே
உன் உஸ்ன மூச்சை தவிர்த்து
வேறு எதாவது ஆயுதம் கொண்டு எழுப்பு
வலி தான் மருந்து
அந்த முள் கம்பியை எடுத்து முகத்தில் அறை
நரம்புக்குள் நஞ்சு செலுத்தி பற்றி எரிய வை
வழிதான் மருந்து
உனக்கு தெரியும் தானே
மின் கம்பியில் சிக்கி கருகி விழுந்த
காகத்திற்காக கதறி அழுதவன் நான் என்று

நான் பரிமாரபடுவதர்க்கென வெந்து கொண்டிருக்கும் கறி...
நீ எரிந்து கொண்டிருக்கும் விறகு....
கொடூர பசியுடன் காத்திருக்கிறது காதல்!!!

நாம் காதலர்கள் என யாரும் சந்தேகப்பட கூடாது 
என காதலர் தினத்தில் 
சந்திக்க வேண்டாம் என முடிவெடுத்தோம் 
அதன் பின் தான் உன் மீது இருந்த காதல் 
அம்மாவின் பின்பு ஒளிந்து கொண்டு 
கண்டுபிடி பார்க்கலாம் என விளையாடும்
குழந்தை போல் விளையாட ஆரம்பித்து இருக்கிறது ................
(2012 காதலர் தினம் 12.37 am)

கலவி முடிந்த களைப்பில் 

நகக்கீறலை  

கோலங்கலாக்க முனையும் 

தூரிகைக்காரி அவள்.......................... 

அவள்
பட்டாம் பூச்சி பறப்பதை
பார்த்து கொன்டிருப்பாளே
தவிர ஒரு போதும்
அதை பிடித்து தர சொல்லி என்னை

சங்கடபடவைத்ததில்லை....

நாம் விலகி கொண்டே இருக்கிறோம்
இதயம் வலிக்க வலிக்க
மிச்சம் இருக்கும் வாழ்க்கைக்கு தெரியும்
இளைப்பாறி வந்த இடங்களும்
இடம் மாறி வந்த இடங்களும்

பேசுவதற்கு நிறைய இருந்தும்
இருவரும் மௌனங்களுடன் நின்றோம்
வழிபோக்கர்களை
காமவெறி ஏற்றாத காதல்
நமக்குள்ளே பரிமாறப்பட்டு
கொண்டு இருந்ததது
மௌனங்களை தொந்தரவு செய்யாமல்
மிக நாசுக்காய் சிறிது தள்ளிவைத்து கேட்டாய்
கொஞ்ச தூரம் நடக்கலாமா? என
எங்கெங்கோ அவமானப்பட்டு கடன் வாங்கி
பண்டிகையின் விடியலில்
புது துணி எடுக்க அழைத்து போகும்
கூலிகாரனின் மகன் போல் சந்தோசத்துடன்
உன்னுடன் நடக்க ஆரம்பித்தேன்....